ਪੰਜਾਬੀ ਸਾਹਿੱਤ ਜਗਤ ਵਿੱਚ ਇੱਕ ਵਿਲੱਖਣ ਪੁਸਤਕ ਦਾਸਤਾਨ ਸ਼ੇਰ ਏ ਪੰਜ ਸ਼ੀਰ ਕਮਾਂਡਰ ਅਹਿਮਦ ਸਾਹ ਮਸੂਦ

ਲੇਖਕ ਸੋਢੀ ਸੁਲਤਾਨ ਸਿੰਘ ਦੀ ਪੰਜਾਬੀ ਸਾਹਿੱਤ ਜਗਤ ਵਿੱਚ ਇੱਕ ਵਿਲੱਖਣ ਪੁਸਤਕ ਦਾਸਤਾਨ ਸ਼ੇਰ ਏ ਪੰਜ ਸ਼ੀਰ ਕਮਾਂਡਰ ਅਹਿਮਦ ਸਾਹ ਮਸੂਦ ਅਤੇ ਅਫਗਾਨ ਖਾਨਾ ਜੰਗੀ ਦੀ

ਅਫਗਾਨਿਸਤਾਨ ਦੇ ਅੰਦਰੂਨੀ ਹਾਲਾਤ ਚਿਤਰਦੀ ਗੰਭੀਰ ਬੇਬਾਕ ਪੁਸਤਕ ਦਾਸਤਾਨ ਸ਼ੇਰ ਏ ਪੰਜ ਸ਼ੀਰ ਕਮਾਂਡਰ ਅਹਿਮਦ ਸਾਹ ਮਸੂਦ ਅਤੇ ਅਫਗਾਨ ਖਾਨਾ ਜੰਗੀ ਦੀ ਜਾਣੇ ਪਛਾਣੇ ਲੇਖਕ ਸੋਢੀ ਸੁਲਤਾਨ ਸਿੰਘ ਦੀ ਪੰਜਾਬੀ ਸਾਹਿੱਤ ਜਗਤ ਵਿੱਚ ਇੱਕ ਵਿਲੱਖਣ ਪੁਸਤਕ ਹੈ । ਜਦੋਂ ਕੋਈ ਪਾਠਕ ਕਿੱਸੇ ਕਹਾਣੀ ਨਾਵਲ ਪੜਨ ਦੀ ਰੁਚੀ ਤੋਂ ਅੱਗੇ ਪਹੁੰਚਦਾ ਹੈ ਤਦ ਉਹ ਦੁਨੀਆਂ ਸਮਾਜ ਸਿਆਸਤ ਨੂੰ ਸਮਝਣ ਵੱਲ ਤੁਰਦਾ ਹੈ । ਲੇਖਕ ਨੂੰ ਦੁਨੀਆਂ ਸਮਾਜ ਸਿਆਸਤ ਕਿਵੇਂ ਚੱਲਦੀ ਹੈ ਉਹ ਗੰਭੀਰਤਾ ਵਿਦਵਤਾ ਅਤੇ ਅਣਥੱਕ ਮਿਹਨਤ ਵਿੱਚੋਂ ਲੰਘਦਿਆ ਹੀ ਸਮਝ ਸਕਦਾ ਹੈ। ਦਿਲ ਦਿਮਾਗ ਦੇ ਉੱਚੇ ਧਰਾਤਲ ਤੇ ਪਹੁੰਚਕੇ ਹੀ ਇਹ ਗੱਲਾਂ ਸਮਝ ਪੈਂਦੀਆਂ ਹਨ ਅਤੇ ਅੱਗੇ ਸਬਦਾਂ ਵਿੱਚ ਪਰੋਣ ਲਈ ਕਿਤਾਬ ਰੂਪ ਤੱਕ ਪਹੁੰਚਾਉਣ ਲਈ ਇੱਕ ਹੋਰ ਨਵੀਂ ਜੰਗ ਵਿੱਚੋਂ ਲੰਘਣਾਂ ਪੈਂਦਾ ਹੈ । ਪਛੜੇ ਸਮਾਜ ਅਤੇ ਸਧਾਰਣ ਘਰ ਵਿੱਚ ਜੰਮਿਆ ਸੈਤਾਨ ਲੀਡਰਾਂ ਦਾ ਸਤਾਇਆ ਲੇਖਕ ਕੁਦਰਤ ਦੇ ਹੁਕਮਾਂ ਥੱਲੇ ਸਰਹੱਦਾਂ ਟੱਪਦਾ ਦੁਨੀਆਂ ਦੇ ਅਨੇਕ ਦੇਸਾਂ ਵਿੱਚ ਜਾਣ ਨੂੰ ਮਜਬੂਰ ਹੋਇਆ ਅਫਗਾਨਿਸਤਾਨ ਵਿੱਚ ਕੁੱਝ ਸਮਾਂ ਗੁਜਾਰਨ ਨੂੰ ਮਜਬੂਰ ਹੁੰਦਾ ਹੈ ਜਿਸ ਕਾਰਨ ਇਹ ਕਿਤਾਬ ਜਨਮ ਲੈਣ ਦੇ ਰਾਹ ਪੈਂਦੀ ਹੈ। ਪੰਜਾਬੀ ਦੇ ਵਿਦਵਾਨ ਅਖਵਾਉਂਦੇ ਲੇਖਕ ਤਾਂ ਇਸ ਲੇਖਕ ਨੂੰ ਗਰੀਬ ਜਾਤੀ ਦਾ ਹੋਣ ਕਰਕੇ ਲੇਖਕ ਹੀ ਨਹੀਂ ਮੰਨਦੇ ਕਿਤਾਬ ਨੂੰ ਮਾਨਤਾ ਦੇਣੀ ਤਾਂ ਦੂਰ ਦੀ ਗੱਲ ਹੈ। ਇਹ ਕਿਤਾਬ ਦੁਨੀਆਂ ਨੂੰ ਜਾਨਣ ਵਾਲਿਆ ਲਈ ਕੋਹਿਨੂਰ ਜਿਹੀ ਹੈ। ਮੁਲਕੋ ਮੁਲਕ ਸਾਈਕਲਨਾਮਾ ਅਤੇ ਹਿੰਦੂ ਸਾਮਰਾਜਵਾਦ ਦਾ ਇਤਿਹਾਸ ਵਰਗੀਆਂ ਦੋ ਵਧੀਆ ਕਿਤਾਬਾਂ ਦੇਣ ਤੋਂ ਬਾਦ ਇਹ ਵੱਡ ਅਕਾਰੀ ਚਾਰ ਸੌ ਸਫੇ ਦੀ ਕਿਤਾਬ ਪੰਜਾਬੀ ਸਾਹਿੱਤ ਜਗਤ ਵਿੱਚ ਵੱਡਮੁੱਲੀ ਦੇਣ ਹੈ ਲੇਖਕ ਦੀ। ਜਿੰਦਗੀ ਦੇ ਔਖੇ ਹਾਲਾਤਾਂ ਵਿੱਚ ਵਿਚਰਦਿਆਂ ਵੀ ਲੇਖਕ ਪੰਜਾਬੀ ਸਾਹਿੱਤ ਲਈ ਘਾਲਣਾਂ ਘਾਲਦਿਆਂ ਆਰਥਿੱਕ ਘਾਟਿਆਂ ਵਾਲੇ ਸੌਦੇ ਦਾ ਸੌਂਕ ਰੱਖਣ ਵਾਲਾ ਇਹ ਲੇਖਕ ਪੰਜਾਬੀ ਲੇਖਕਾਂ ਪਰਕਾਸਕਾਂ ਦਾ ਸਤਿਕਾਰਯੋਗ ਹੋਣਾਂ ਚਾਹੀਦਾ ਸੀ ਜੋ ਨਹੀਂ ਹੋਇਆ ਪਰ ਕਮੀਨੇ ਪਰਕਾਸਕਾਂ ਅਤੇ ਹੰਕਾਰੀ ਲੇਖਕਾਂ ਬਾਰੇ ਬੇਬਾਕ ਸੱਚਾਈਆਂ ਲਿਖਦਾ ਲੇਖਕ ਪਾਠਕ ਵਰਗ ਲਈ ਆਪਣੇ ਸੌਕ ਦੀ ਮਹਿੰਗੀ ਕੀਮਤ ਤਾਰਨ ਤੋਂ ਗੁਰੇਜ ਨਹੀਂ ਕਰਦਾ। ਇਸ ਕਿਤਾਬ ਨੂੰ ਪੜਦਿਆ ਪਤਾ ਲੱਗਦਾ ਹੈ ਦੁਨੀਆਂ ਦੀ ਰਾਜਨੀਤੀ ਦੇ ਲੁਕਵੇਂ ਖਿਡਾਰੀ ਵੱਡੇ ਦੇਸਾਂ ਦੀਆਂ ਗੁਪਤ ਕਾਰਵਾਈਆਂ ਨਾਲ ਕਿਸ ਤਰਾਂ ਦੇਸਾਂ ਅਤੇ ਜੁਝਾਰੂ ਕੌਮਾਂ ਨੂੰ ਨੇਸਤੋ ਨਾਬੂਦ ਕਰਦੇ ਹਨ। ਦੁਨੀਆ ਦੇ ਬਹੁਤੇ ਦੇਸ ਕਿਸ ਤਰਾਂ ਗੁਪਤ ਕਾਰਵਾਈਆਂ ਵਿੱਚ ਮੋਹਰੇ ਬਣਦੇ ਅਤੇ ਬਣਾਉਂਦੇ ਹਨ ਜਾਣਕੇ ਦਿਮਾਗ ਚਕਰਾ ਜਾਂਦੇ ਹਨ। ਇਹੋ ਜਿਹੀ ਕਿਤਾਬ ਦਾ ਲੇਖਕ ਬੌਨੇ ਲੇਖਕਾਂ ਦੀ ਸਮਝ ਵਿੱਚ ਆ ਹੀ ਨਹੀਂ ਸਕਦਾ ਅਤੇ ਬੌਨੇ ਲੇਖਕ ਆਂਪਣੇ ਹੀ ਦੁਆਰਾ ਕੀਤੇ ਗੋਸਟੀਆਂ ਪਰਾਪੇ ਗੰਡੇ ਨਾਲ ਲੇਖਕ ਅਖਵਾ ਜਾਂਦੇ ਹਨ ਪਰ ਉਹ ਲੇਖਕ ਨਹੀ ਵਪਾਰੀ ਹੀ ਹੁੰਦੇ ਹਨ। ਅਸਲ ਲੇਖਕ ਤਾਂ ਘਰ ਫੂਕ ਤਮਾਸ਼ਾ ਕਰਨ ਦੀ ਜੁਰਅੱਤ ਕਰਨ ਵਾਲੇ ਸੋਢੀ ਸੁਲਤਾਨ ਹੀ ਹੁੰਦੇ ਹਨ। ਸਲਾਮ ਹੈ ਲੇਖਕ ਦੀ ਘਾਲਣਾਂ ਨੂੰ ਜਿਸਨੇ ਅਫਗਾਨਿਸਤਾਨ ਦੇ ਜੁਝਾਰੂ ਅਤੇ ਗਦਾਰ ਆਗੂਆਂ ਦੇ ਜੀਵਨ ਦੇ ਵਿਸਾਲ ਦਰਸਨ ਕਰਵਾਏ ਹਨ। ਭਾਰਤ ਪਾਕਿਸਤਾਨ ਇਰਾਨ ਅਮਰੀਕਾ ਅਤੇ ਹੋਰ ਅਨੇਕਾਂ ਦੇਸਾਂ ਦੀਆਂ ਗੁਪਤ ਏਜੰਸੀਆਂ ਦੇ ਕੰਮਾਂ ਨੂੰ ਵਿਸਥਾਰ ਨਾਲ ਸਮਝਣ ਦਾ ਮੌਕਾ ਮਿਲਦਾ ਹੈ ਇਸ ਕਿਤਾਬ ਰਾਂਹੀ । ਇਹ ਉਹ ਲੇਖਕ ਹੈ ਜੋ ਅਨੇਕਾਂ ਮੁਲਕਾਂ ਵਿੱਚੋਂ ਲੰਘਦਾ ਹੋਇਆ ਅਮਰੀਕਾ ਵਰਗੇ ਮੁਲਕ ਵਿੱਚ ਦੁੱਖਾ ਤਕਲੀਫਾਂ ਬਿਮਾਰੀ ਦੇ ਪਹਾੜ ਚੁੱਕਦਿਆਂ ਜਿੰਦਗੀ ਦੀ ਜੰਗ ਲੜ ਰਿਹਾ ਹੈ । ਗੈਰ ਕਾਨੂੰਨੀ ਪਰਵਾਸ ਕਰਦਿਆਂ ਹੋਇਆਂ ਵੀ ਪੰਜਾਬੀ ਪਾਠਕਾਂ ਲਈ ਘਾਲਣਾਂ ਘਾਲਦਿਆਂ ਕੀਮਤੀ ਕਿਤਾਬਾਂ ਲਿਖ ਰਿਹਾ ਹੈ ਜਿੰਹਨਾਂ ਨੂੰ ਲਿਖਣ ਅਤੇ ਛਪਵਾਉਣ ਲਈ ਆਪਣੇ ਲੱਖਾਂ ਰੁਪਏ ਅਤੇ ਕੀਮਤੀ ਸਮੇਂ ਨੂੰ ਬਰਬਾਦ ਕਰਕੇ ਵੀ ਬਾਬੇ ਨਾਨਕ ਦਾ ਕਰਜਾ ਉਤਾਰ ਰਿਹਾ ਹੈ ਜਿਸਨੇ ਕਦੇ ਵੀ ਆਪਣਾਂ ਕਰਜਾ ਪੰਜਾਬੀਆਂ ਤੋਂ ਮੰਗਣਾਂ ਨਹੀਂ ਹੁੰਦਾ। ਸੋਢੀ ਸੁਲਤਾਨ ਵਰਗੇ ਕੁੱਝ ਵਿਰਲੇ ਲੋਕ ਹਨ ਜੋ ਬਾਬੇ ਨਾਨਕ ਅਤੇ ਗੁਰੂ ਗੋਬਿੰਦ ਸਿੰਘ ਦੇ ਵਾਰਿਸ ਹਨ ਜੋ ਪੰਜਾਬੀ ਪਾਠਕਾਂ ਨੂੰ ਅਣਮੁੱਲੀਆਂ ਕਿਤਾਬਾਂ ਗਰੰਥ ਦੇਣ ਲਈ ਆਪਣਾਂ ਸਭ ਕੁੱਝ ਦਾਅ ਤੇ ਲਾ ਰਹੇ ਹਨ । ਸਿਜਦਾ ਹੈ ਲੇਖਕ ਦੀ ਘਾਲਣਾਂ ਨੂੰ ਜੋ ਦੁਨੀਆਂ ਸਮਾਜ ਸਿਆਸਤ ਨੂੰ ਸਮਝਣ ਵਾਲੇ ਬਹੁਤ ਹੀ ਘੱਟ ਗਿਣਤੀ ਲੋਕਾਂ ਲਈ ਬਹੁੱ ਮੁੱਲੀ ਕਿਤਾਬ ਲਿਖਣ ਵਿੱਚ ਸਫਲ ਹੋਇਆ ਹੈ। ਸਿੱਖ ਕੌਮ ਅਤੇ ਘੱਟ ਗਿਣਤੀਆਂ ਦੇ ਪਾਠਕੋ ਨਾਵਲ ਕਹਾਣੀਆਂ ਪੜਕੇ ਕੌਮਾਂ ਦੇ ਇਤਿਹਾਸ ਨਹੀਂ ਬਣਦੇ ਇਤਿਹਾਸ ਕੁਰਬਾਨੀ ਮੰਗਦੇ ਹਨ ਜਿਸ ਤਰਾਂ ਇਸ ਕਿਤਾਬ ਵਿੱਚ ਮਸੂਦ ਵਰਗੇ ਜਰਨੈਲ ਆਪਣੇ ਮੁਲਕ ਲਈ ਸਭ ਕੁੱਝ ਕੁਰਬਾਨ ਕਰ ਜਾਂਦਾ ਹੈ । ਇਤਿਹਾਸ ਬਦਲਣ ਸਿਰਜਣ ਲਈ ਦੁਨੀਆਂ ਦੇ ਯੋਧਿਆਂ ਸੂਰਮਿਆਂ ਸਹੀਦਾਂ ਬਾਰੇ ਜਾਨਣਾਂ ਪੈਂਦਾ ਹੈ ਨਾਂ ਕਿ ਆਸਕੀਆਂ ਦੇ ਕਿੱਸੇ ਕਹਾਣੀਆਂ ਪੜਕੇ । ਅਫਗਾਨੀ ਲੋਕਾਂ ਦੀ ਤਬਾਹੀ ਦੀ ਦਾਸਤਾਨ ਸੈਤਾਨ ਸਰਕਾਰਾਂ ਕਿਸ ਤਰਾਂ ਲਿਖਦੀਆਂ ਹਨ ਜਾਣ ਸਕਦੇ ਹੋ ਇਸ ਕਿਤਾਬ ਵਿੱਚੋਂ । ਯੂਰਪ ਅਤੇ ਏਸੀਆ ਦੇ ਇਸ ਜਮੀਨੀ ਲਾਂਘੇ ਨੂੰ ਕਬਜਾਉਣ ਲਈ ਸੈਤਾਨੀ ਸਰਕਾਰਾਂ ਜੋ ਹੈਵਾਨੀਅਤ ਕਰਦੀਆਂ ਹਨ ਜਿਸ ਨਾਲ ਅਫਗਾਨੀ ਲੋਕਾਂ ਦੇ ਖੂਨ ਦਾ ਦਰਿਆ ਵਗਾਉਂਦੀਆਂ ਹਨ ਸਮਝ ਪੈਂਦਾ ਹੈ। ਪੰਜਾਬ ਹਿੰਦੋਸਤਾਨ ਦੇ ਭਵਿੱਖ ਲਈ ਸੋਚਣ ਦੇ ਦਾਅਵਿਆਂ ਵਾਲੇ ਲੋਕਾਂ ਲਈ ਇਹੋ ਜਿਹੀਆਂ ਕਿਤਾਬਾਂ ਰਾਹ ਰੁਸਨਾਉਂਦੀਆਂ ਹਨ। ਬਿਨਾਂ ਦੁਨੀਆਂ ਸਮਝਿਆ ਆਪਣੀਆਂ ਕੌਮਾਂ ਲਈ ਕੁੱਝ ਕਰਨ ਤੁਰ ਪੈਣਾਂ ਖੁਦਕਸੀਆਂ ਅਤੇ ਉਜਾੜਿਆ ਤੋਂ ਵੱਧ ਕੁੱਝ ਨਹੀਂ ਹੁੰਦਾਂ ਜਿਵੇ ਪੰਜਾਬ ਅਤੇ ਸਿੱਖ ਕੌਮ ਦਾ ਹੋ ਰਿਹਾ ਹੈ । ਪੰਜਾਬੀ ਪਾਠਕਾਂ ਲਈ ਜੁਝਾਰੂ ਲੋਕਾਂ ਲਈ ਇਹ ਕਿਤਾਬ ਅਣਮੁੱਲਾ ਤੋਹਫਾ ਹੈ ਜੇ ਕੋਈ ਚਾਰ ਕੁ ਸੌ ਰੁਪਏ ਖਰਚ ਸਕਦਾ ਹੋਵੇ। ਲੇਖਕ ਨੂੰ ਸੁਭ ਕਾਮਨਾਵਾਂ ਹਨ ਅਤੇ ਉਸਦੀ ਮਿਹਨਤ ਨੂੰ । ਪੰਜਾਬੀ ਤਾਂ ਭਾਵੇਂ ਕਦਰ ਨਹੀਂ ਪਾਉਣਗੇ ਪਰ ਕੁਦਰਤ ਪਰਮਾਤਮਾ ਦੇ ਘਰੋਂ ਉਸਦੀ ਜਮੀਰ ਸਦਾ ਪਿਆਰ ਪਾਵੇਗੀ ਕਿ ਉਹ ਵਿਦੇਸ਼ਾਂ ਅਤੇ ਅਮਰੀਕਾ ਵਰਗੇ ਮੁਲਕ ਵਿੱਚ ਬੈਠਕੇ ਵੀ ਆਪਣੀ ਗਰੀਬ ਕੌਮ ਨੂੰ ਅਕਲਾਂ ਪੱਖੋਂ ਅਮੀਰ ਬਨਾਉਣਾ ਲੋਚਦਾ ਹੈ । ਹੋ ਸਕੇ ਤਾਂ ਲੇਖਕ ਦੀ ਮਿਹਨਤ ਨੂੰ ਅੱਗੇ ਸੇਅਰ ਕਰ ਦੇਣਾਂ ਪੰਜਾਬੀਉ ਜੇ ਤੁਹਾਡੀ ਆਸ ਜਿਉਂਦੀ ਹੈ ਕਿ ਪੰਜਾਬੀ ਦੁਨੀਆਂ ਤੇ ਸਿਆਣੇ ਬਣ ਸਕਦੇ ਹਨ । ਨਵਰੰਗ ਪਬਲੀਕੇਸ਼ਨ ਪਿੰਡ ਚੱਕ ਅੰਮਿਰਤਸਰੀਆ ਪਾਤੜਾ ਰੋਡ ਸਮਾਣਾ ਫੋਨ 01764 - 224747 ਜਾਂ 9915129747 ਵੱਲੋਂ 360 ਸਫਿਆਂ ਤੇ ਛਾਪੀ ਇਹ ਕਿਤਾਬ ਪੰਜ ਸੌ ਰੁਪਏ ਮੁੱਲ ਵਾਲੀ ਤੀਹ ਚਾਲੀ ਪਰਸੈਂਟ ਤੱਕ ਕਮਿਸਨ ਦੀ ਗੱਲ ਕਰਕੇ ਪਰਾਪਤ ਕੀਤੀ ਜਾ ਸਕਦੀ ਹੈ ਜੋ ਕਿ ਆਮ ਹੀ ਹਰ ਪਰਕਾਸਕ ਦੇ ਦਿੰਦਾਂ ਹੈ । ਲੇਖਕ ਸੋਢੀ ਸੁਲਤਾਨ ਸਿੰਘ ਨਾਲ ਸੰਪਰਕ ਕਰਨ ਲਈ https://www.facebook.com/sodhisultan ਅੰਗਰੇਜੀ ਦੇ ਅੱਖਰਾਂ ਨਾਲ ਫੇਸਬੁੱਕ ਤੇ ਸਰਚ ਕੀਤਾ ਜਾ ਸਕਦਾ ਹੈ । ਰਵਿਊ ਲੇਖਕ ਗੁਰਚਰਨ ਸਿੰਘ ਪੱਖੋਕਲਾਂ