ਗੁਰੂਆਂ ਆਖਿਆ ਗਰੀਬ ਦਾ ਮੂੰਹ ਗੁਰੂ ਗੋਲਕ

ਗੁਰੂਆਂ ਆਖਿਆ ਗਰੀਬ ਦਾ ਮੂੰਹ ਗੁਰੂ ਗੋਲਕ
                                            ਅਸੀ ਤਾਂ ਲੋਹੇ ਦੀ ਗੋਲਕ ਹੀ ਮੰਨਦੇ ਹਾਂ
ਜੇ ਕੋਈ ਕਰੇ ਗਰੀਬਾਂ ਦੀ ਮੱਦਦ
                                          ਗੁਰੂ ਦੋਖੀ ਆਖ ਕੇ ਉਸਨੂੰ ਭੰਡਦੇ ਹਾਂ।
ਸਾਡੀ ਲੋਹੇ ਦੀ ਗੋਲਕ ਵਿੱਚ ਜੋ ਪਾਏ ਨੋਟ
                                               ਉਸਨੂੰ ਹੀ ਅਸਲੀ ਸਿੱਖ ਮੰਨਦੇ ਹਾਂ
 ਗੋਲਕ ਦੀ ਕਰੀਏ ਅਸਾਂ ਸੰਭਾਲ ਚੰਗੀ
                                         ਨਾਲ ਜਿੰਦਿਆਂ ਉਸਨੂੰ ਬੰਨ ਦੇ ਹਾਂ
ਦੇਖਣ ਨੂੰ ਪਹਿਨੀਏ ਨੀਲਿਆਂ ਨੂੰ
                                      ਉਝ ਅਸੀ ਗਿਰਗਿਟ ਦੇ ਰੰਗ ਦੇ ਹਾਂ
ਖਾਕੇ ਗੋਲਕ ਨੂੰ ਨਾਂ ਮਾਰੀਏ ਡਕਾਰ ਅਸੀ
                                         ਕਿਉਂਕਿ ਗੁਰੂ ਦੇ ਕੋਲੋਂ ਵੀ ਸੰਗਦੇ ਹਾਂ
ਅਨੰਦਪੁਰ ਦੀਆਂ ਗਲੀਆਂ ਅਸੀਂ ਭੁੱਲ ਚੱਲੇ
                                         ਜਾਨੀ ਅਸੀ ਤਾਂ ਕਾਬਲ ਦੀ ਜੰਨ ਦੇ ਹਾਂ
ਜਦ ਹੋ ਜਾਵੇ ਸਭ ਕੁੱਝ ਹਜਮ ਸਾਡੇ
                                      ਫੇਰ ਮਾਫੀਆਂ ਗੁਰੂ ਤੋਂ ਵੀ ਮੰਗਦੇ ਹਾਂ।
ਅੱਗੇ ਵਾਸਤੇ ਸਾਨੂੰ ਤੂੰ ਹੁਣ ਬਲ ਬਖਸੀਂ
                                     ਅਸੀਂ ਤਾਂ ਰਾਹੀ ਹੀ ਇਸੇ ਜੰਗ ਦੇ ਹਾਂ
ਗੁਰਚਰਨ ਪੱਖੋਕਲਾਂ ਫੋਨ 9417727245 ਪਿੰਡ ਪੱਖੋਕਲਾਂ (ਬਰਨਾਲਾ)  EMAIL    gspkho@gmail.com